Në kuadër të projektit "Promovimi i Aktivizmit të Gjelbër Komunitar në Kosovë", organizata joqeveritare partnere e KDI-së, "Mundësia", me mbështetjen e Fondi i Kombeve të Bashkuara për Demokraci (UNDEF), organizoi platformën e diskutimeve "ORA E GJELBËR" në hapësirën e jashtme pranë Liqenit akumulues në Mitrovicë. Ky event u zhvillua në Ditën e Tokës dhe kishte për qëllim të nxisë një dialog konstruktiv mes autoriteteve lokale dhe komunitetit rreth zbatimit të politikave dhe projekteve të gjelbërta në nivel lokal.

Përmes kësaj ngjarje u mundësua komunikimi mes komunitetit lokal dhe autoriteteve lokale, ku u diskutua mbi transparencën dhe llogaridhënien nga autoritetet në zbatimin e politikave dhe projekteve të gjelbra. Gjatë këtij diskutimi, u prezantuan disa nga premtimet e gjelbra të kryetarit dhe u trajtua si çështje kryesore menaxhimi i mbetjeve industriale, e cila është një problematikë e kahmotshme, si dhe sfidat në ndërtimin e impiantit të ujërave të zeza.

Diskutimet e gjelbërta pritet të rrisin vlerën e pjesëmarrjes së qytetarëve lokalë në proceset vendimmarrëse dhe të mundësojë komunitetet të marrin pjesë më aktivisht dhe të kenë një rol në menaxhimin e vendimeve të tyre lokale.

Një ekip i KDI-së së bashku dhe me përfaqësuesen e organizatës partnere SHL – Kosova, u takuan me Kryetarin e Komunës së Rahovecit, Smajl Latifi.

Gjatë këtij takimi u diskutua rreth rëndësisë së orientimit dhe promovimit të qeverisjes së gjelbër lokale dhe transparencës komunale, duke prezantuar projektet e KDI-së dhe organizatave partnere lokale që po zbatohen nëpër komuna, përfshirë Komunën e Rahovecit, gjegjësisht zbatimin e projekteve mbi "Promovimin e Aktivizmit të Gjelbër Komunitar në Kosovë” dhe "Transparometri Komunal për vitin 2023 dhe 2024".

Kryetari Latifi ofroi mbështetje për këto projekte, duke theksuar gatishmërinë e Komunës së Rahovecit për nisma që ndihmojnë në realizimin e obligimeve komunale lidhur me agjendën e gjelbër, përmbushjen e zotimeve të tij mjedisore dhe ngritjen e transparencës dhe informimit të qytetarëve. Gjithashtu mirëpriti nismën e KDI për avokim digjital drejt përmirësimit të qeverisjes së gjelbër dhe shprehi interes për promovimin e platformës www.kdi-green.org e cila është një nismë e rëndësishme për raportimin e gjendjes së mjedisit si dhe ngritjen e përpjekjeve të përbashkëta të qytetarëve dhe komunës për përmirësimin e gjendjes mjedisore në Rahovec dhe përtej.

Ndotja e lumenjve dhe mungesa e kujdesit ndaj tyre vlerësohet si një ndër problemet kyçe në Komunën e Kamenicës. Në veçanti përmenden lumenjt në fshatrat Koretin dhe Berivojcë.  

Ky konstatim, si dhe problemet me mbeturiat dhe mungesën e hapësirave të gjelbra, janë përmendur në kuadër të organizimit të “Orës së gjelbër” në Kamenicë, të organizuar nga OJQ Fortesa. Përfaqësues të Komunës, organizata të shoqërisë civile, si dhe qytetarë të kësaj komune kanë diskutuar rreth premtimeve të kryetarit të kësaj komune për politikat e gjelbra.

Qytetarët kanë ngritur edhe çështje të tjera sa i përket ambientit dhe mungesës së investimeve për më shumë hapësira të gjelbra dhe kujdes ndaj natyrës. 

Nga ana tjetër, nënkryetari i Komunës, Faton Jakupi dhe Drejtori i Shërbimeve Publike në Komunën e Kamenicës, Zotrim Kastrati, kanë premtuar se do të bëjnë zgjidhje të shpejta për rregullimin e këtyre lumenjve, si dhe kanë folur për mundësinë e mirëmbajtjes dhe investimeve në përmirësimin e gjendjes së mjedisit.  

Përfaqësues të Institutit Demokratik të Kosovës- KDI dhe Rrjetit Qeliza u takuan me Kryetarin e Komunës së Gjakovës Ardian Gjini në kuadër të projektit "Promovimi i Aktivizmit të Gjelbër Komunitar në Kosovë” dhe "Transparometrit Komunal 2023".

Gjakova është në mesin e 12 komunave ku po jetësohen këto projekte që aspirojnë mbrojtjen e mjedisit si dhe transparencën dhe llogaridhënien e institucioneve publike.

Kryetari Gjini gjatë takimit ofroi mbështetjen e tij në realizimin e këtyre projekteve, duke theksuar se si institucion komunal mirëpret çdo nismë e cila është në shërbim të komunitetit.

Ardian Mucaj nga KDI ishte mysafir në emisionet e mëngjesit në RTK dhe ATV, ku ai shpjegoi rëndësinë e platformës kdi-green.org të lansuar nga KDI gjatë muajit shkurt. Ai shpjegoi se kjo platformë u ofron qytetarëve mundësinë për të raportuar për degradimin e mjedisit dhe i ftoi ata që ta përdorin këtë mjet për të raportuar shqetësimet e tyre mjedisore. Kjo iniciativë është një hap i rëndësishëm drejt ruajtjes së mjedisit në Kosovë dhe ndihmon në përfshirjen e qytetarëve në procesin e mbrojtjes së mjedisit të tyre.

Për të ndjekur intervistat dhe për të marrë më shumë informata rreth rolit të platformës klikoni në vazhdim:

ATV: https://www.youtube.com/watch?v=N4R526WukpA&t=345s 

RTK: https://www.youtube.com/watch?v=2XKznzjViTQ&t=153s