Komuna e Ferizajt prej vitesh ka lëshuar leje ndërtimore duke u bazuar në Ligjin për Ndërtim, pavarësisht mungesës së Hartave Zonale – dokumente thelbësore për planifikimin hapësinor dhe bazën ligjore për dhënien e lejeve. Ministria e Mjedisit, Planifikimit Hapësinor dhe Infrastrukturës (MMPHI) ka cilësuar këtë praktikë si të paligjshme.

Pas refuzimit të Hartave Zonale nga autoritetet qendrore, Komuna e Ferizajt ka anashkaluar planet rregulluese urbane ekzistuese, të cilat sipas ligjit mbeten të vlefshme deri në miratimin e dokumenteve të reja. Në vend të tyre, Komuna ka zbatuar Ligjin për Ndërtim.

Për më shume detaje gjeni videon këtu: https://www.youtube.com/watch?v=qJx52CwPf50 

AVONET dhe KDI realizuan një auditim social për projektin Pyllëzimi dhe rregullimi i parkut në Kodrën e Sherretëve, të implementuar nga Komuna e Ferizajt.

Përfaqësues nga bashkësitë lokale, qytetarë dhe banorë vizituan vendin e punimeve për të vlerësuar progresin dhe përputhshmërinë me kontratën.

Auditimi synon të sigurojë përmbushjen e standardeve mjedisore, duke kontribuar në zhvillimin e qëndrueshëm dhe përmirësimin e cilësisë së jetesës.

Hapat e ardhshëm përfshijnë përgatitjen e një raporti të detajuar dhe prezantimin e rekomandimeve për Komunën e Ferizajt për të garantuar zbatimin sipas planit dhe pritshmërive të qytetarëve.

Në kuadër të projektit Promovimi i Aktivizmit të Gjelbër në Komunitet, një grup qytetarësh të angazhuar në auditimin social ka realizuar një vizitë në terren për të vlerësuar kontratën 634-23-8207-5-2-1/C430 në Komunën e Skenderajt. Projekti përfshin rregullimin e kaskadave të lumit Klina, përkatësisht në fshatin Tushilë, ku është vendosur muri në lum.

Qëllimi i këtij projekti ka qenë ndërtimi i një muri mbrojtës përgjatë një pjese të lumit, për të mbrojtur rrugën nga shembjet, pasi zona është dëmtuar nga vërshimet e Janarit 2023. Projekti gjithashtu ka përfshirë pastrimin e hapësirës ku është ndërtuar muri dhe vendosjen e zhavorit për stabilizim të terrenit.

Si pjesë e auditimit social, vizita në terren u fokusua në vlerësimin e zbatimit të projektit, përputhshmërinë me kontratën dhe ndikimin e tij në mbrojtjen e infrastrukturës lokale dhe përmirësimin e sigurisë për komunitetin. Ky auditim përfaqëson një hap të rëndësishëm drejt promovimit të transparencës dhe përfshirjes së komunitetit në monitorimin e projekteve publike. Të gjeturat dhe rekomandimet mbi vlerësimin nga auditmi social do të ndahen me Komunën e Skenderajt.

Banorët e fshatrave Kopernicë, Koretin dhe Karaçevë prej vitesh përballen me kundërmimin e rëndë të shkaktuar nga derdhja e ujërave të zeza. Ky problem mjedisor ka qenë shqetësim i vazhdueshëm për komunitetin lokal. Komuna e Kamenicës ka njoftuar se punimet në kolektorin e ujërave të zeza në fshatin Koretin do të përfundojnë gjatë pranverës, duke sjellë një zgjidhje për këtë problem të kahershëm.

OJQ "Fortesa" ka luajtur një rol të rëndësishëm në ngritjen e kësaj çështjeje përmes thirrjeve publike, takimeve me komunitetin dhe pjesëmarrjes aktive në dëgjime buxhetore, duke shtyrë autoritetet drejt veprimeve konkrete.

Gjeni videon këtu: https://www.youtube.com/watch?v=cZv2x0HCowg