Një grup prej 6 aktivistësh – ambientalistë, profesorë, qytetarë dhe përfaqësues të Policisë – janë mobilizuar për të mbikëqyrur kontratën e pastrimit të deponive ilegale në Rahovec! Gjatë inspektimeve në fshatrat e Rahovecit, ata verifikuan se deponia në Hoqë të Madhe është ende plot mbeturina, ndërsa pjesa tjetër në Brestovc, Opterushë, si dhe rrugës për Suharekë është pastruar. Ky auditim social synon monitorimin e projekteve të gjelbra për përmirësimin e shërbimeve dhe përfshirjen e komunitetit! Ndryshe, SHL-Kosova ka nisur një auditim social për kontratën "Pastrimi i deponive ilegale në Rahovec, rruga për Malishevë dhe Suharekë" (Nr. 623-23-13129-2-1-1), i zbatuar nga komuna e Rahovecit.

Aktivizmi komunitar mori qendër të vëmendjes gjatë Javës së Zhvillimit të Qëndrueshëm në Kosovë (KSDW) 2024, ndërsa qytetarët lokalë bashkuan forcat për të promovuar politika të qëndrueshme për mjedisin. Instituti Demokratik i Kosovës (KDI), një partner i UNDEF, prezantoi projektin e tij inovativ, "Promovimi i Aktivizmit të Gjelbër të Komunitetit në Kosovë", i cili mbështet qytetarët të avokojnë për iniciativa të gjelbra në nivel lokal.

Që nga nisja e projektit në vitin 2023, KDI ka trajnuar 146 anëtarë të komunitetit për të monitoruar aktivisht dhe për të mbajtur autoritetet përgjegjëse për angazhimet e tyre mjedisore, duke lehtësuar përgjigje në kohë reale ndaj shqetësimeve mjedisore. Për të arritur këtë, projekti ofron një 'Platformë të Gjelbër' digjitale, një mjet për raportimin e shqetësimeve mjedisore, për të promovuar përgjegjësinë dhe për të forcuar aktivizmin qytetar për politika të qëndrueshme.

Platforma e Gjelbër e KDI-së gjithashtu ofron burime edukative, përfshirë kuize, blogje të gjelbra dhe podkaste për të rritur ndjeshmërinë dhe për të nxitur aktivizmin. Gjatë KSDW, e cila u mbajt nga 16 deri më 20 shtator 2024 dhe u organizua në bashkëpunim me Agjencinë Gjermane për Zhvillim (GIZ), Bashkimi Evropian dhe organizatat e shoqërisë civile, KDI theksoi se si platforma mbështet qytetarët në drejtimin e ndryshimeve domethënëse dhe në promovimin e një kulture të kujdesit për mjedisin.

Ky iniciativë thekson lidhjen kritike midis angazhimit qytetar dhe zhvillimit të qëndrueshëm, duke treguar se aktivizmi komunitar mund të luajë një rol transformues në ndërtimin e një të ardhmeje më të gjelbër për Kosovën.

Ky artikull është shkruar nga Kombet e Bashkuara, dhe burimi është këtu: https://www.un.org/democracyfund/news/green-community-activism-showcased-kosovo-sustainable-development-week

Komuna e Prishtinës ka eliminuar këto ditë dy deponi ilegale, një në Kodrën e Trimave dhe tjetrën në Shkabaj, falë angazhimit të përbashkët të KDI-së dhe Qendrës për Politika dhe Avokim (QPA). Këto deponi u identifikuan vitin e kaluar në bashkëpunim me banorët lokalë, ndërsa u raportuan gjithashtu edhe përmes platformës KDI Green. Çështja e këtyre deponive u trajtua gjatë Orës së Gjelbër të organizuar me përfaqësuesit komunalë dhe banorët, dhe më pas u diskutua edhe në dëgjimet buxhetore të fundit të Komunës së Prishtinës. Ky veprim përbën një hap të rëndësishëm për përmirësimin e mjedisit në këto zona dhe një shembull konkret i bashkëpunimit të suksesshëm ndërmjet qytetarëve dhe autoriteteve lokale.

Një takim i rëndësishëm për shkëmbimin e praktikave të mira është mbajtur në Prishtinë, duke përfshirë përfaqësues nga qeveritë lokale, organizatat joqeveritare dhe komunitetet. Ky takim synon të prezantojë dhe diskutojë dy përvoja të suksesshme të zbatuara nga Komuna e Prishtinës, me qëllimin që këto modele të adaptohen në kontekste të tjera komunale.

Praktikat e diskutuara janë të orientuara drejt qëndrueshmërisë mjedisore dhe ofrojnë mundësi për nxitjen e politikave të gjelbra, si dhe rritjen e përpjekjeve ndërmjet komunave dhe përfshirjen e komunitetit.

Dy projekte që u prezantuan përfshijnë:

1. Mbjellja e drunjëve në zonat e pyjeve të degraduara: Kjo iniciativë përdor një metodë inovative, duke implementuar mbjelljen e farave me ndihmën e dronëve.

2. Krijimi i kopshteve të erëzave në lagjen Ulpiana: Një iniciativë e suksesshme që ka sjellë rezultate pozitive dhe është e aplikueshme në komunat e tjera.

Këto projekte paraqesin modele për komunat që synojnë të zhvillojnë nisma të qëndrueshme dhe miqësore ndaj mjedisit. Takimi shërbeu si një mundësi për të diskutuar sesi këto praktika mund të përshtaten në komunat e tjera dhe si platformë për nisma të reja dhe bashkëpunime të ardhshme.

Partneri ynë, Organizata për Mbrojtjen e Mjedisit "Gjethi", në bashkëpunim me Njësinë e Mjedisit pranë Komunës së Kaçanikut, ka hartuar Planin e Veprimit në Mjedis (PVM) 2024-2029, duke integruar për herë të parë veprimin klimatik në këtë proces. Ky plan, tashmë është miratuar nga Kuvendi Komunal, dhe synon një qasje të qëndrueshme dhe të integruar për mbrojtjen e mjedisit dhe përdorimin e resurseve në komunat si Kaçaniku.

Tani pritet zbatimi i planit, përmes veprimeve konkrete që do të ndihmojnë në arritjen e qëllimeve të përcaktuara.