Për të shënuar Ditën Botërore të Tokës, më 22 prill 2025, në komunat Mitrovicë, Kaçanik dhe Rahovec u organizua “Ora e Gjelbër”, në bashkëpunim me organizatat partnere SHL-Kosova, Mundësia dhe Gjethi, me qëllim ngritjen e ndërgjegjësimit dhe mobilizimit qytetar për mbrojtjen e mjedisit, si dhe forcimin e pjesëmarrjes në politikat lokale mjedisore.

 

Diskutimet u fokusuan në mbrojtjen dhe krijimin e hapësirave të gjelbra, si dhe në analizimin e premtimeve të dhëna nga komunat në fushën e mjedisit dhe nivelin e zbatimit të tyre. Qytetarë të interesuar, të rinj, përfaqësues të shoqërisë civile dhe zyrtarë komunalë morën pjesë në këto takime, duke kontribuar me ide, rekomandime dhe duke ngritur shqetësime konkrete mbi sfidat mjedisore në komunat e tyre.

 

“Ora e Gjelbër” u zhvillua si një thirrje për veprim të përbashkët në mbrojtje të natyrës dhe si një hap drejt ndërtimit të një angazhimi më të strukturuar dhe të qëndrueshëm për zhvillim të gjelbër në nivel lokal.