Të Gjitha Aktivitetet

Evaluation of the Parks and Playgrounds Project for Children in Lipjan

Vlerësimi i Projektit për Parqe dhe Kënde të Lojërave për Fëmijë në Lipjan

January 09, 2025

Në kuadër të projektit Promovimi i Aktivizmit të Gjelbër në Komunitet, një grup qytetarësh të angazhuar në auditimin social ka realizuar një vizitë në terren për të vlerësuar kontratën 613-022-052-521. Kjo kontratë përfshin ndërtimin e parqeve dhe këndeve të lojërave për fëmijë në hapësirat gjelbëruese të shkollave fillore në disa fshatra të Komunës së Lipjanit, përfshirë Kraishtë, Gllogovc, Rubovc, Bujan, Medvec, Topliqan, Krojmir, Baicë, Shalë, Magure, Puturovc, Smallushë, Llugaxhi, Babush i Muhaxherëve, Banullë dhe Dobrajë e Madhe.
Qëllimi i këtij projekti është krijimi i hapësirave të gjelbëruara dhe këndeve të lojërave që sigurojnë një mjedis të përshtatshëm dhe stimulues për fëmijët, duke mbështetur zhvillimin e tyre fizik, shoqëror, emocional dhe intelektual. Përveç përfitimeve për fëmijët, projekti kontribuon në përmirësimin e gjelbërimit dhe krijimin e hapësirave publike më të shëndetshme për komunitetin.
Si pjesë e auditimit social, u realizuan 2 vizita në terren në shkollat e fshatrave Rubovc dhe Llugaxhi. Gjatë vizitave, u vlerësua zbatimi i projektit, përputhshmëria me kontratën dhe ndikimi i tij në krijimin e një mjedisi të gjelbër dhe të përshtatshëm për fëmijët. Të gjeturat dhe rekomandimet e dala nga procesi do t’i adresohen Komunës së Lipjanit për përmirësime të mëtejshme në zbatimin e projekteve. 

Lexo Më Shumë
The Issue of Wastewater in the Villages of Kamenica

Problemi i ujërave të zeza në fshatrat e Kamenicës

January 03, 2025

Banorët e fshatrave Kopernicë, Koretin dhe Karaçevë prej vitesh përballen me kundërmimin e rëndë të shkaktuar nga derdhja e ujërave të zeza. Ky problem mjedisor ka qenë shqetësim i vazhdueshëm për komunitetin lokal. Komuna e Kamenicës ka njoftuar se punimet në kolektorin e ujërave të zeza në fshatin Koretin do të përfundojnë gjatë pranverës, duke sjellë një zgjidhje për këtë problem të kahershëm.

OJQ "Fortesa" ka luajtur një rol të rëndësishëm në ngritjen e kësaj çështjeje përmes thirrjeve publike, takimeve me komunitetin dhe pjesëmarrjes aktive në dëgjime buxhetore, duke shtyrë autoritetet drejt veprimeve konkrete.

Gjeni videon këtu: https://www.youtube.com/watch?v=cZv2x0HCowg

 

Lexo Më Shumë
Promoting Green Activism: Social Audit in Prishtina

Promovimi i Aktivizmit të Gjelbër: Auditimi Social në Prishtinë

January 01, 2025

Në kuadër të projektit Promovimi i Aktivizmit të Gjelbër në Komunitet, ka nisur procesi i auditimit social në 12 Komuna të Kosovës, që ka për synim vlerësimin e zbatimit të projekteve të gjelbra në terren dhe përfshirjen e komunitetit në këtë proces.
Një grup qytetarësh dhe aktivistësh të angazhuar në auditimin social kanë marrë pjesë në vlerësimin e projektit për bicikletat në Prishtinë. Ky grup ka vizituar stacionet e biçikletave, ka shqyrtuar specifikimet teknike dhe ka analizuar zbatimin e këtij projekti në praktikë. Projekti, që realizohet në kuadër të kontratës me numër 616-23-4130-1-1-1, Furnizimi me bicikleta për Kryeqytetin, synon zbatimin e Planit të Mobilitetit, duke krijuar mundësi për përdorimin e biçikletave nga qytetarët, me qëllim uljen e varësisë nga automjetet dhe promovimin e një mënyre më të qëndrueshme të lëvizjes.
Gjatë vizitës në terren, ekipi vlerësoi realizimin e kontratës dhe përputhshmërinë e saj me qëllimet e projektit. Ky auditim social përfaqëson një hap të rëndësishëm drejt rritjes së transparencës dhe përfshirjes aktive të komunitetit në monitorimin e projekteve publike.
Të gjeturat dhe rekomandimet e identifikuara gjatë këtij procesi do t’i adresohen Komunës së Prishtinës për të siguruar përmirësime në zbatimin e projekteve të ardhshme.

Lexo Më Shumë
Evaluation of the Project for Building Bus Shelters in villages of Kamenicë

Vlerësimi i projektit për ndërtimin e pritoreve të autobusëve në fshatrat e Kamenicës

December 30, 2024

Projekti për ndërtimin e pritoreve të autobusëve në disa lokalitete të Komunës së Kamenicës, përfshirë Hogosht, Shipashnicë e Poshtme, Hodonoc, Topanicë, Koretin dhe Kamenicë, ishte në fokusin e një procesi të monitorimit të organizuar nga OJQ Fortesa në bashkëpunim me përfaqësues të komunitetit dhe KDI-në gjatë muajit nëntor.

Pas analizës së dokumentacionit të projektit, ekipi realizoi vizita në të gjitha vendet e parashikuara për ndërtimin e pritoreve, duke vlerësuar ecurinë dhe përmbushjen e angazhimeve.

Çështjet që lidhen me planin dinamik dhe ritenderimin e projektit do të përfshihen në raportin përfundimtar që do t’i dorëzohet Komunës së Kamenicës, së bashku me rekomandimet dhe gjetjet kryesore nga ky proces.

Lexo Më Shumë
The community assesses the project “Improvement of the Stairs to Guri i Shpuar” in Kaçanik

Komuniteti vlerëson projektin “Rregullimi i Shkallëve për tek Guri i Shpuar” në Kaçanik

December 30, 2024

OJQ Gjethi, në bashkëpunim me KDI-në dhe komunitetin, ka zhvilluar një proces monitorimi për të vlerësuar projektin “Rregullimi i Shkallëve për tek Guri i Shpuar.” Ky projekt, i financuar nga Komuna e Kaçanikut, pritet të përfundojë në prill të vitit 2025 dhe përfshin ndërtimin e një shtegu me gjatësi mbi 500 metra.

Investimi synon të promovojë natyrën dhe të krijojë hapësira për ecje dhe rekreacion.

Pas përfundimit të vlerësimit, OJQ Gjethi, në bashkëpunim me KDI-në dhe komunitetin, do t’i dorëzojë autoriteteve lokale një raport me të gjeturat, duke propozuar rekomandime për përmirësime të mundshme.

Lexo Më Shumë

Na shkruani

Si mund të qasem në formularin e Raportimit në platformë?

Çfarë informacioni personal nevojitet për të paraqitur një raportim?

Si mund të bashkëngjes imazhe ose video?

×

Add What you want here.