.png)
Partneri ynë, Organizata për Mbrojtjen e Mjedisit "Gjethi", në bashkëpunim me Njësinë e Mjedisit pranë Komunës së Kaçanikut, ka hartuar Planin e Veprimit në Mjedis (PVM) 2024-2029, duke integruar për herë të parë veprimin klimatik në këtë proces. Ky plan, tashmë është miratuar nga Kuvendi Komunal, dhe synon një qasje të qëndrueshme dhe të integruar për mbrojtjen e mjedisit dhe përdorimin e resurseve në komunat si Kaçaniku.
Tani pritet zbatimi i planit, përmes veprimeve konkrete që do të ndihmojnë në arritjen e qëllimeve të përcaktuara.
Ky bashkëpunim mes OJQ-ve lokale, si partneri ynë Gjethi, dhe qeverisjes lokale për të shtyrë përpara politika të gjelbra përfaqëson një model të shkëlqyer për të ndërtuar një të ardhme më të gjelbër dhe më të qëndrueshme.
