Në një përpjekje të përbashkët për të adresuar një krizë urgjente mjedisore, OJQ Fortesa dhe pjesëtarë të komunitetit, gjatë muajit tetor vizituan degradimin e lumenjve në fshatrat Koretin dhe Karaçevë të komunës së Kamenicës.

Vizitat në terren dokumentuan një gjendje alarmante të lumenjve si pasojë e shkarkimit të ujërave të zeza, duke krijuar një mjedis të rrezikshëm për qytetarët aty pranë. Kundërmimi sipas banorëve, ka arritur në nivele të padurueshme, duke e rritur mundësinë e përhapjes së sëmundjeve epidemike dhe duke ndikuar në cilësinë e jetës për komunitetin që jeton në afërsi.