OJQ Gjethi, në bashkëpunim me KDI-në dhe komunitetin, ka zhvilluar një proces monitorimi për të vlerësuar projektin “Rregullimi i Shkallëve për tek Guri i Shpuar.” Ky projekt, i financuar nga Komuna e Kaçanikut, pritet të përfundojë në prill të vitit 2025 dhe përfshin ndërtimin e një shtegu me gjatësi mbi 500 metra.

Investimi synon të promovojë natyrën dhe të krijojë hapësira për ecje dhe rekreacion.

Pas përfundimit të vlerësimit, OJQ Gjethi, në bashkëpunim me KDI-në dhe komunitetin, do t’i dorëzojë autoriteteve lokale një raport me të gjeturat, duke propozuar rekomandime për përmirësime të mundshme.